ਸਿੱਖ ਖਬਰਾਂ

ਮੁੰਬਈ ਵਿੱਚ ਸ਼ਿਵ ਸੈਨਾ ਦੇ ਸੰਸਦ ਮੈਬਰਾਂ ਨੇ ਮੁਸਲਿਮ ਕਰਮਚਾਰੀ ਦਾ ਜ਼ਬਰਦਸਤੀ ਰੋਜ਼ਾ ਤੁੜਵਾਇਆ

July 23, 2014 | By ਸਿੱਖ ਸਿਆਸਤ ਬਿਊਰੋ

ਮੁੰਬਈ (23 ਜੁਲਾਈ 2014): ਮਹਾਰਾਸ਼ਟਰ ਸਦਨ ‘ਚ ਮਹਾਰਾਸ਼ਟਰ ਦੇ ਪਕਵਾਨ ਨਾ ਪਰੋਸੇ ਜਾਣ ਤੋਂ ਨਾਰਾਜ਼ ਸ਼ਿਵ ਸੈਨਾ ਦੇ 11 ਸੰਸਦ ਮੈਂਬਰਾਂ ਨੇ ਕੈਟਰਿੰਗ ਸੁਪਰਵਾਇਜ਼ਰ ਅਰਸ਼ਦ ਨਾਲ ਬੁਰਾ ਸਲੂਕ ਕੀਤਾ।

ਪੰਜਾਬੀ ਅਖਬਾਰ “ਅਜੀਤ” ਵਿੱਚ ਛਪੀ ਖਬਰ ਅਨੁਸਾਰ ਇਸ ਗੱਲ ਤੋਂ ਗੁੱਸੇ ਹੋਏ ਸ਼ਿਵ ਸੈਨਾ ਮੈਬਰਾਂ ਨੇ ਮੁਸਲਿਮ ਕਰਮਚਾਰੀ ਨਾਲ ਬਦਸਲੂਕੀ ਕਰਦਿਆਂ ਰਮਜ਼ਾਨ ਦੇ ਪਵਿੱਤਰ ਮਹੀਨੇ ਵਿੱਚ ਉਸਦੇ ਜ਼ਬਰੀ ਰੋਜ਼ੇ ਤੁੜਵਾਕੇ, ਉਸਦੇ ਮੂੰਹ ਵਿੱਚ ਅੰਨ ਪਾਇਆ ਗਿਆ ਜੋ ਕਿ ਮੁਸਲਿਮ ਧਰਮ ਦੀ ਘੋਰ ਨਿਰਾਦਰੀ ਹੈ।ਮੁਸਲਿਮ ਕਰਮਚਾਰੀ ਅਰਿਸ਼ਦ ਨਾਲ ਬਦਸਲੂਕੀ ਕਰਨ ਅਤੇ ਉਸਦੇ ਧਰਮ ਦੀ ਨਿਰਾਦਰੀ ਕਰਨ ,ਧਾਰਮਿਕ ਭਾਵਨਾਵਾਂ ਨੂੰ ਭੜਕਾਉਣ ਦੇ ਦੋਸ਼ਾਂ ਵਿੱਚ ਕੱਟੜ ਹਿੰਦੂ ਸਿਆਸੀ ਪਰਟੀ ਸ਼ਿਵ ਸ਼ੈਨਾ ਦੇ ਮੈਂਬਰ ਕਸੂਤੇ ਫਸਦੇ ਨਜ਼ਰ ਆ ਰਹੇ ਹਨ।

ਮੁਸਲਮਾਨਾਂ ਨਾਲ ਵਧੀਕੀਆਂ ਦਾ ਮਾਮਲਾ ਇਹ ਕੋਈ ਨਵਾਂ ਨਹੀਂ, ਅਜੇ ਪਿਛਲੇ ਦਿਨੀ ਹੀ ਹਿੰਦੂ ਕੱਟੜਵਾਦੀ ਨੇਤਾ ਪ੍ਰਵੀਨ ਤੋਗੜੀਆ ਨੇ ਮੁਸਲਮਾਨਾਂ ਨੂੰ ਗੁਜ਼ਰਾਤ ਅਤੇ ਮੁਜ਼ੱਫਰਨਗਰ ਦੰਗਿਆਂ ਨੂੰ ਯਾਦ ਰੱਖਣ ਦੀ ਧਮਕੀ ਦਿੱਤੀ ਸੀ।

ਉੱਧਰ ਸ਼ਿਵ ਸੈਨਾ ਦੇ ਸੰਸਦ ਮੈਂਬਰ ਰਾੳਤ ਨੇ ਇਨ੍ਹਾਂ ਦੋਸ਼ਾਂ ਦਾ ਖੰਡਨ ਕਰਦਿਆਂ ਇਨ੍ਹਾਂ ਨੂੰ ਬੇਬੁਨਿਆਦ ਦੱਸਿਆ।

ਉਕਤ ਲਿਖਤ/ ਖਬਰ ਬਾਰੇ ਆਪਣੇ ਵਿਚਾਰ ਸਾਂਝੇ ਕਰੋ:

Tweet

---

ਵਟਸਐਪ ਰਾਹੀਂ ਤਾਜਾ ਖਬਰਾਂ ਹਾਸਲ ਕਰਨ ਦਾ ਤਰੀਕਾ:
(1) ਸਿੱਖ ਸਿਆਸਤ ਦਾ ਵਟਸਐਪ ਅੰਕ 0091-85560-67689 ਆਪਣੀ ਜੇਬੀ (ਫੋਨ) ਵਿੱਚ ਭਰ ਲਓ; ਅਤੇ
(2) ਸਾਨੂੰ ਆਪਣਾ ਨਾਂ ਵਟਸਐਪ ਰਾਹੀਂ ਭੇਜ ਦਿਓ।

---

Related Topics: Muslims in India, Shiv Sena