ਸਿਆਸੀ ਖਬਰਾਂ

ਮੈਂ ਸਿੱਖ ਹਾਂ, ਪਾਠ ਕਰਦਾਂ, ਭਗਵੰਤ ਮਾਨ ਸ਼ਰਾਬ ਪੀ ਕੇ ਆਉਂਦਾ, ਮੇਰੀ ਸੀਟ ਬਦਲੋ: ਹਰਿੰਦਰ ਸਿੰਘ ਖ਼ਾਲਸਾ

July 23, 2016 | By ਸਿੱਖ ਸਿਆਸਤ ਬਿਊਰੋ

ਨਵੀਂ ਦਿੱਲੀ: ਸੰਸਦ ਦੀ ਸੁਰੱਖਿਆ ਨਾਲ ਸਬੰਧਤ ਵੀਡੀਓ ਮਾਮਲੇ ਵਿਚ ਘਿਰੇ ਭਗਵੰਤ ਮਾਨ ‘ਤੇ ਵਿਰੋਧੀ ਪਾਰਟੀਆਂ ਨੇ ਹਮਲਾ ਬੋਲ ਦਿੱਤਾ ਹੈ। ਹੁਣ ਉਨ੍ਹਾਂ ਦੀ ਪਾਰਟੀ ਆਪ ਦੇ ਮੁਅੱਤਲ ਸੰਸਦ ਮੈਂਬਰ ਹਰਿੰਦਰ ਸਿੰਘ ਖਾਲਸਾ ਨੇ ਦੋਸ਼ ਲਾਇਆ ਹੈ ਕਿ ਸੰਸਦ ਵਿਚ ਮਾਨ ਦੀ ਸੀਟ ਤੋਂ ਸ਼ਰਾਬ ਦੀ ਬੋਅ ਆਉਂਦੀ ਹੈ। ਉਨ੍ਹਾਂ ਨੇ ਲੋਕ ਸਭਾ ਦੀ ਸਪੀਕਰ ਸੁਮਿੱਤਰਾ ਮਹਾਜਨ ਕੋਲ ਇਸ ਗੱਲ ਦੀ ਸ਼ਿਕਾਇਤ ਕੀਤੀ ਹੈ ਅਤੇ ਆਪਣੀ ਸੀਟ ਬਦਲਣ ਲਈ ਕਿਹਾ ਹੈ।

ਹਰਿੰਦਰ ਸਿੰਘ ਖ਼ਾਲਸਾ ਨੇ ਕਿਹਾ, ‘ਮੈਂ ਸਪੀਕਰ ਨੂੰ ਇਹ ਕਿਹਾ ਹੈ ਕਿ ਮੇਰਾ ਡਵੀਜ਼ਨ ਨੰਬਰ 495 ਹੈ ਅਤੇ ਡਵੀਜ਼ਨ ਨੰਬਰ 496 ‘ਤੇ ਭਗਵੰਤ ਮਾਨ ਹੈ। ਮੈਂ ਤਾਂ ਉਨ੍ਹਾਂ ਦਾ ਨਾਂਅ ਵੀ ਨਹੀਂ ਲਿਖਿਆ। ਮੈਂ 69 ਸਾਲ ਦਾ ਹਾਂ ਤੇ ਸਿੱਖ ਹਾਂ। ਸਵੇਰੇ ਪਾਠ ਕਰਕੇ ਆਉਂਦਾ ਹਾਂ ਅਤੇ ਸਵੇਰੇ-ਸਵੇਰੇ ਸ਼ਰਾਬ ਦੀ ਗੰਦੀ ਬੋਅ ਆਉਂਦੀ ਹੈ ਤੇ ਕਈ ਵਾਰ ਲੱਗਦਾ ਹੈ ਕਿ ਉਲਟੀ ਆ ਜਾਵੇਗੀ।’ ਉਨ੍ਹਾਂ ਕਿਹਾ, ‘ਹੁਣ ਸ਼ਰਾਬ ਕੋਈ ਪੀ ਕੇ ਆਵੇ, ਇਕ ਸੰਸਦ ਮੈਂਬਰ ਸ਼ਰਾਬ ਪੀਵੇ ਤੇ ਦੂਸਰਾ ਉਲਟੀਆਂ ਕਰੇ ਤਾਂ ਇੰਨੀ ਜ਼ਿਆਦਾ ਤਾਂ ਗੰਦਗੀ ਨਹੀਂ ਵਿਖਾਉਣੀ ਚਾਹੀਦੀ। ਮੈਂ ਤਾਂ ਇੰਨੀ ਜ਼ਿਆਦਾ ਨਹੀਂ ਵਿਖਾ ਸਕਦਾ। ਮੇਰੀ ਸੀਟ ਬਦਲ ਦਿਓ ਅਤੇ ਉਨ੍ਹਾਂ ਮੈਨੂੰ ਯਕੀਨ ਦਿਵਾਇਆ ਕਿ ਉਹ ਮੇਰੀ ਸੀਟ ਬਦਲ ਦੇਣਗੇ।

ਉਕਤ ਲਿਖਤ/ ਖਬਰ ਬਾਰੇ ਆਪਣੇ ਵਿਚਾਰ ਸਾਂਝੇ ਕਰੋ:

Tweet

---

ਵਟਸਐਪ ਰਾਹੀਂ ਤਾਜਾ ਖਬਰਾਂ ਹਾਸਲ ਕਰਨ ਦਾ ਤਰੀਕਾ:
(1) ਸਿੱਖ ਸਿਆਸਤ ਦਾ ਵਟਸਐਪ ਅੰਕ 0091-85560-67689 ਆਪਣੀ ਜੇਬੀ (ਫੋਨ) ਵਿੱਚ ਭਰ ਲਓ; ਅਤੇ
(2) ਸਾਨੂੰ ਆਪਣਾ ਨਾਂ ਵਟਸਐਪ ਰਾਹੀਂ ਭੇਜ ਦਿਓ।

---

Related Topics: Bhagwant Maan, Harinder Singh Khalsa, Indian Parliament