ਆਮ ਖਬਰਾਂ
ਯਾਕੂਬ ਮੈਮਨ ਦੀ ਫਾਂਸੀ ਵਿਰੁੱਧ ਭਾਰਤੀ ਸੁਪਰੀਮ ਕੋਰਟ ਦੇ ਡਿਪਟੀ ਰਜਿਸਟਰਾਰ ਨੇ ਦਿੱਤਾ ਅਸਤੀਫਾ
August 2, 2015 | By ਸਿੱਖ ਸਿਆਸਤ ਬਿਊਰੋ
ਨਵੀਂ ਦਿੱਲੀ (1 ਅਗਸਤ, 2015): ਭਾਰਤੀ ਸੁਪਰੀਮ ਕੋਰਟ ਦੇ ਇਕ ਡਿਪਟੀ ਰਜਿਸਟਰਾਰ ਨੇ 1993 ਦੇ ਮੁੰਬਈ ਲੜੀਵਾਰ ਬੰਬ ਧਮਾਕਿਆਂ ਦੇ ਦੋਸ਼ੀ ਯਾਕੂਬ ਮੈਮਨ ਨੂੰ ਮੌਤ ਦੀ ਸਜ਼ਾ ਦੇ ਅਮਲ ਲਈ ਰਾਹ ਪੱਧਰਾ ਕਰਨ ਵਾਲੇ ਅਦਾਲਤ ਦੇ ਫ਼ੈਸਲੇ ਦੀ ਅਲੋਚਨਾ ਕਰਦਿਆ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਹੈ ।
ਪ੍ਰੋ. ਅਨੂਪ ਸੁਰੇਂਦਰਨਾਥ
ਪ੍ਰੋ. ਅਨੂਪ ਸੁਰੇਂਦਰਨਾਥ ਨੇ ਆਪਣੇ ਅਸਤੀਫੇ ਬਾਰੇ ਸੋਸ਼ਲ ਨੈਟਵਰਕਿੰਗ ਸਾਈਟ ‘ਤੇ ਡਿਪਟੀ ਰਜਿਸਟਰਾਰ ਦੇ ਅਹੁਦੇ ਤੋਂ ਇਹ ਕਹਿੰਦੇ ਹੋਏ ਅਸਤੀਫਾ ਦੇ ਦਿੱਤਾ ਕਿ ਕੁਝ ਘੰਟਿਆਂ ਦੇ ਅੰਦਰ ਦੋ ਫ਼ੈਸਲੇ ਨਿਆਂਇਕ ਤਿਆਗ ਦਾ ਉਦਾਹਰਣ ਹਨ, ਜਿਨ੍ਹਾਂ ਦੀ ਸੁਪਰੀਮ ਕੋਰਟ ਦੇ ਹਨੇਰਗਰਦੀ ਵਾਲੇ ਸਮੇਂ ਦੇ ਰੂਪ ‘ਚ ਗਿਣਤੀ ਹੋਣੀ ਚਾਹੀਦੀ ਹੈ । ।
ਪ੍ਰੋ. ਅਨੂਪ ਸੁਰੇਂਦਰਨਾਥ ਦੀ ਨਿਯੁਕਤੀ ਠੇਕੇ ‘ਤੇ ਸੀ ਅਤੇ ਉਨ੍ਹਾਂ 30 ਜੁਲਾਈ ਨੂੰ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ।ਯਾਕੂਬ ਮੈਮਨ ਨੂੰ ਮੌਤ ਦੀ ਸਜ਼ਾ ਦੇਣ ਦੇ ਹੁਕਮ ਨੂੰ ਸਹੀ ਠਹਿਰਾਉਣ ਦੇ ਦੋ ਘੰਟੇ ਦੇ ਅੰਦਰ ਹੀ ਫਾਂਸੀ ਦੇ ਦਿੱਤੀ ਸੀ ।
ਅਦਾਲਤ ਦੇ ਸੂਤਰਾਂ ਨੇ ਦੱਸਿਆ ਕਿ ਮੌਤ ਦੀ ਸਜ਼ਾ ਨੂੰ ਲੈ ਕੇ ਚਲ ਰਹੀ ਬਹਿਸ ਵਿਚਕਾਰ ਪ੍ਰੋ. ਅਨੂਪ ਦਾ ਅਸਤੀਫਾ ਸਵੀਕਾਰ ਕਰ ਲਿਆ ਹੈ ਅਤੇ ਉਨ੍ਹਾਂ ਨੂੰ ਅਹੁਦੇ ਤੋਂ ਮੁਕਤ ਕਰ ਦਿੱਤਾ ਹੈ ।ਸੁਪਰੀਮ ਕੋਰਟ ਵਿਚ ਲੱਗਭੱਗ 20 ਡਿਪਟੀ ਰਜਿਸਟਰਾਰ ਹਨ ।ਇਨ੍ਹਾਂ ਚੋਂ ਕੁਝ ਨਿਆਂਪਾਲਿਕਾ ਤੋਂ ਬਾਹਰੋਂ ਸ਼ਾਮਿਲ ਕੀਤੇ ਗਏ ਹਨ ।
ਪ੍ਰੋ. ਅਨੂਪ ਸੁਰੇਂਦਰਨਾਥ ਦਿੱਲੀ ਸਥਿਤ ਲਾਅ ਯੂਨੀਵਰਸਿਟੀ ਵਿਚ ਪ੍ਰੋਫੈਸਰ ਹੈ ਅਤੇ ਮੌਤ ਦੀ ਸਜ਼ਾ ਖੋਜ ਪ੍ਰਾਜੈਕਟ ਦੇ ਡਾਇਰੈਕਟਰ ਹਨ ।ਮੈਮਨ ਨੂੰ ਫਾਂਸੀ ਦੇਣ ਦੇ ਹੁਕਮ ‘ਤੇ ਰੋਕ ਲਾਉਣ ਲਈ ਦਾਇਰ ਪਟੀਸ਼ਨ ਨਾਲ ਵੀ ਉਹ ਜੁੜੇ ਹੋਏ ਸਨ ।
ਉਕਤ ਲਿਖਤ/ ਖਬਰ ਬਾਰੇ ਆਪਣੇ ਵਿਚਾਰ ਸਾਂਝੇ ਕਰੋ:
ਵਟਸਐਪ ਰਾਹੀਂ ਤਾਜਾ ਖਬਰਾਂ ਹਾਸਲ ਕਰਨ ਦਾ ਤਰੀਕਾ:
(1) ਸਿੱਖ ਸਿਆਸਤ ਦਾ ਵਟਸਐਪ ਅੰਕ 0091-85560-67689 ਆਪਣੀ ਜੇਬੀ (ਫੋਨ) ਵਿੱਚ ਭਰ ਲਓ; ਅਤੇ
(2) ਸਾਨੂੰ ਆਪਣਾ ਨਾਂ ਵਟਸਐਪ ਰਾਹੀਂ ਭੇਜ ਦਿਓ।
Related Topics: SCI, Yakub Memon