ਸਿਆਸੀ ਖਬਰਾਂ

ਭਾਜਪਾ ਅਤੇ ਕਾਂਗਰਸ ਘੱਟਗਿਣਤੀਆਂ ਲਈ ਬਰਾਬਰ ਖਤਰਨਾਕ ਹਨ: ਦਲ ਖਾਲਸਾ

November 26, 2013 | By

ਹੁਸ਼ਿਆਰਪੁਰ, ਪੰਜਾਬ (ਨਵਮਬਰ 26, 2013): ਦਲ ਖਾਲਸਾ ਨੇ ਭਾਜਪਾ ਦੇ ਪ੍ਰਧਾਨ ਮੰਤਰੀ ਦੇ ਉਮੀਦਵਾਰ ਨਰਿੰਦਰ ਮੋਦੀ ਅਤੇ ਕਾਂਗਰਸੀ ਆਗੂ ਸੋਨੀਆ ਗਾਂਧੀ ਵਿਚਾਲੇ ਚਲ ਰਹੀ ਰਸਾਕਸ਼ੀ ਕਿ ਭਾਜਪਾ ਜਾਂ ਕਾਂਗਰਸ ਵਿਚੋਂ ਕੌਣ ਵੱਧ ਜ਼ਹਿਰੀ ਹੈ ਉਤੇ ਆਪਣੀ ਟਿਪਣੀ ਕਰਦਿਆਂ ਕਿਹਾ ਕਿ ਘੱਟ-ਗਿਣਤੀਆਂ ਲਈ ਦੋਨਾਂ ਨੇ ਆਪਣੇ ਅੰਦਰ ਬਰਾਬਰ ਦਾ ਜ਼ਹਿਰ ਸਾਂਭ ਰੱਖਿਆ ਹੈ।

Dal Khalsa leaders (L to R) – HS Dhami, Sarabjit Singh Ghuman, Satnam Singh Paunta Sahib, Prabhjot Singh (and others)

(ਖੱਬਿਓਂ-ਸੱਜੇ) ਦਲ ਖਾਲਸਾ ਪ੍ਰਧਾਨ ਭਾਈ ਹਰਚਰਨ ਜੀਤ ਸਿੰਘ ਧਾਮੀ, ਸਰਬਜੀਤ ਸਿੰਘ ਘੁਮਾਣ, ਸਤਨਾਮ ਸਿੰਘ ਪਾਉਂਟਾ ਸਾਹਿਬ, ਪ੍ਰਭਜੋਤ ਸਿੰਘ ਨਵਾਂਸ਼ਹਿਰ ਅਤੇ ਹੋਰ

ਦਲ ਖਾਲਸਾ ਦੇ ਬੁਲਾਰੇ ਕੰਵਰਪਾਲ ਸਿੰਘ ਨੇ ਬਿਆਨ ਵਿੱਚ ਕਿਹਾ ਕਿ ਦੋਨੇ ਪਾਰਟੀਆਂ ਦੇ ਆਗੂ ਇੱਕ-ਦੂਜੇ ਉਤੇ ਪਲਟਵਾਂ ਵਾਰ ਕਰਦਿਆਂ ਇਹ ਸਾਬਿਤ ਕਰਨ ਦੀ ਕੋਸ਼ਿਸ਼ ਵਿੱਚ ਹਨ ਕਿ ਦੂਸਰਾ ਵੱਧ ਜ਼ਹਿਰੀ ਹੈ।

ਉਹਨਾਂ ਕਿਹਾ ਕਿ ਘੱਟ-ਗਿਣਤੀ ਕੌਮਾਂ ਅਤੇ ਲੋਕਾਂ ਲਈ ਅਸਲ ਵਿੱਚ ਦੋਨੇ ਬਰਾਬਰ ਦੇ ਜ਼ਹਿਰੀ ਹਨ।

ਉਹਨਾਂ ਕਿਹਾ ਕਿ ਮੁਸਲਮਾਨਾਂ, ਇਸਾਈਆਂ ਅਤੇ ਸਿੱਖਾਂ ਨੂੰ ਦੋਨਾਂ ਨੇ ਡਸਿਆ ਹੈ। ਉਹਨਾਂ ਕਿਹਾ ਕਿ 1984 ਵਿੱਚ ਸਿੱਖਾਂ ਨਾਲ ਜੋ ਘਿਨਾਉਣਾ ਕੰਮ ਕਾਂਗਰਸ ਨੇ ਕੀਤਾ ਉਹ ਹੀ ਕੁਝ ਭਾਜਪਾ ਨੇ ਮੁਸਲਮਾਨਾਂ ਅਤੇ ਈਸਾਈਆਂ ਨਾਲ ਸਨ 2002 ਅਤੇ 2008 ਵਿੱਚ ਕੀਤਾ ਸੀ। ਉਹਨਾਂ ਕਿਹਾ ਕਿ ਕਾਂਗਰਸ ਅਤੇ ਭਾਜਪਾ ਨਾਲ ਸਬੰਧਤਿ ਫਿਰਕੂ ਭੀੜ ਦੇ ਜ਼ਹਿਰੀ ਦਿਮਾਗਾਂ ਨੇ ਹੀ 1984, 2002 ਅਤੇ 2008 ਵਿੱਚ ਨਿਰਦੋਸ਼ਾਂ ਦਾ ਖੂਨ ਧਰਤੀ ‘ਤੇ ਡੋਲਿਆ ਸੀ।

ਦਲ ਖਾਲਸਾ ਆਗੂ ਨੇ ਕਿਹਾ ਕਿ ਹਿੰਦੂ ਵੋਟਾਂ ਬਟੋਰਨ ਲਈ ਇਹਨਾਂ ਦੋਨੇ ਪਾਰਟੀਆਂ ਨੇ ਘੱਟ-ਗਿਣਤੀਆਂ ਨਾਲ ਦੁਰਵਿਹਾਰ ਕੀਤਾ ਅਤੇ ਸਮੇ-ਸਮੇ ਉਹਨਾਂ ਵਿਰੁੱਧ ਜ਼ਹਿਰ ਉਗਲਿਆ ਹੈ।

ਰਵਾਇਤੀ ਅਕਾਲੀ ਗਰੁਪਾਂ ਦੀਆਂ ਨੀਤੀਆਂ ਉਤੇ ਟਿਪਣੀ ਕਰਦਿਆਂ ਉਹਨਾਂ ਕਿਹਾ ਕਿ ਕੁਝ ਛੋਟੇ ਗਰੁੱਪ ਕਾਂਗਰਸ ਦੇ ਮਗਰ ਲੱਗੇ ਹੋਏ ਹਨ ਜਦਕਿ ਅਕਾਲੀ ਦਲ ਦਾ ਮੁੱਖ ਧੜਾ ਭਾਜਪਾ ਮਗਰ। ਉਹਨਾਂ ਅਫਸੋਸ ਪ੍ਰਗਟਾਉਦਿਆਂ ਕਿਹਾ ਕਿ ਸਿੱਖ ਰਾਜਨੀਤੀ ਬਾਦਲ-ਪੱਖੀ ਅਤੇ ਬਾਦਲ-ਵਿਰੋਧੀ ਹਿੱਸਿਆ ਵਿੱਚ ਵੰਡੀ ਹੋਈ ਹੈ।

ਦਲ ਖਾਲਸਾ ਆਗੂ ਨੇ ਕਿਹਾ ਕਿ ਅਕਾਲੀ ਦਲ ਨੂੰ ਹੋਂਦ ਵਿੱਚ ਲਿਆਉਣ ਪਿਛੇ ਜੋ ਅਸਲ ਮਨਸ਼ਾ ਅਤੇ ਉਦੇਸ਼ ਸਨ, ਉਹ ਸਮੇ ਦੇ ਨਾਲ-ਨਾਲ ਇਸ ਦੀ ਲੀਡਰਸ਼ਿਪ ਵਲੋਂ ਘੱਟੀਂ ਰੋਲ ਦਿੱਤੇ ਗਏ ਹਨ। ਉਹਨਾਂ ਪੰਥਕ ਏਕੇ ਉਤੇ ਜ਼ੋਰ ਦੇਂਦਿੰਆਂ ਕਿਹਾ ਕਿ ਸਮੂਹ ਅਕਾਲੀ ਧੜਿਆਂ ਨੂੰ ਕਾਂਗਰਸ ਅਤੇ ਭਾਜਪਾ ਦੇ ਪ੍ਰਛਾਂਵੇ ਹੇਂਠ ਤੋਂ ਬਾਹਰ ਨਿਕਲਕੇ ਆਪਣੀ ਸੁਤੰਤਰ ਹੋਂਦ ਮੁੜ ਬਹਾਲ ਕਰਨੀ ਚਾਹੀਦੀ ਹੈ।

Read/Listen this news in English:

Tug-of-war between Sonia and Modi: Who is more poisonous BJP or Congress – ask ethnic and religious minorities – Dal Khalsa

ਉਕਤ ਲਿਖਤ/ ਖਬਰ ਬਾਰੇ ਆਪਣੇ ਵਿਚਾਰ ਸਾਂਝੇ ਕਰੋ:

ਵਟਸਐਪ ਰਾਹੀਂ ਤਾਜਾ ਖਬਰਾਂ ਹਾਸਲ ਕਰਨ ਦਾ ਤਰੀਕਾ:
(1) ਸਿੱਖ ਸਿਆਸਤ ਦਾ ਵਟਸਐਪ ਅੰਕ 0091-85560-67689 ਆਪਣੀ ਜੇਬੀ (ਫੋਨ) ਵਿੱਚ ਭਰ ਲਓ; ਅਤੇ
(2) ਸਾਨੂੰ ਆਪਣਾ ਨਾਂ ਵਟਸਐਪ ਰਾਹੀਂ ਭੇਜ ਦਿਓ।

Related Topics: , , , ,

ਸਿੱਖ ਸਿਆਸਤ ਰਾਹੀਂ ਚੋਣਵੀਆਂ ਕਿਤਾਬਾਂ ਖਰੀਦੋ

ਤਾਜ਼ਾ ਖਬਰਾਂ:

RSS Latest on Sikh Siyasat News

ਲੇਖ/ਵਿਚਾਰ:

ਗੁਰਮੁਖੀ ਹੱਥ-ਲਿਖਤਾਂ ਦੀ ਸਾਂਭ-ਸੰਭਾਲ : ਦਸ਼ਾ ਅਤੇ ਦਿਸ਼ਾ

ਭਾਰਤ ਸਰਕਾਰ ਸਿਆਣੀ ਜਾਂ !

ਸ਼ਬਦ ਗੁਰੂ ਦਾ ਪ੍ਰਕਾਸ਼