ਪੰਜਾਬ ਨਿਊਜ਼ ਨੈਟਵਰਕ ਦੇ ਪ੍ਰਬੰਧਕ ਸੱਜਣਾ ਨੂੰ ਪਿਆਰ ਨਾਲ ਬੁਲਾਈ ਸਤਿ ਸ਼੍ਰੀ ਅਕਾਲ ਪ੍ਰਵਾਣ ਹੋਵੇ ਜੀ। ਪਿਛਲੇ ਤਕਰੀਬਨ ਦੋ ਮਹੀਨੇ ਤੋਂ ਤੁਹਾਡੀ ਵੈਬ-ਸਾਈਟ ਦੇਖਣ ਤੇ ਪੜ੍ਹਨ ਦਾ ਸਮਾਂ ਮਿਲਦਾ ਰਿਹਾ ਹੈ ਤੇ ਪੜ੍ਹ ਕੇ ਵਧੀਆ ਲੱਗਾ। ਤੁਹਾਡੀਆਂ ਖਬਰਾਂ ਤਾਂ ਇਕ ਸੀਮਤ ਦਾਇਰੇ ਵਿੱਚ ਹੀ ਹਨ, ਗਿਣੀਆਂ-ਮਿੱਥੀਆਂ ਜਥੇਬੰਦੀਆਂ ਅਤੇ ਵਿਸ਼ਿਆਂ ਨਾਲ ਸੰਬੰਧਤ, ਪਰ ਹਨ ਜਾਣਕਾਰੀ ਭਰਪੂਰ। ਤੁਹਾਨੂੰ ਖਬਰਾਂ ਦਾ ਦਾਇਰਾ ਹੋਰ ਵੱਡਾ ਕਰਨਾ ਚਾਹੀਦਾ ਹੈ।ਜੋ ਮੁਲਾਕਾਤਾਂ ਤੁਸੀਂ ਛਾਪੀਆਂ ਹਨ ਉਹ ਬਹੁਤ ਅਨਮੋਲ ਤੇ ਦੁਰਲਭ ਹਨ। ਇਹ ਮੈਂ ਤਾਂ ਕਿਸੇ ਹੋਰ ਸਾਇਟ ਉੱਤੇ ਨਹੀਂ ਪੜ੍ਹੀਆਂ।ਕਵਿਤਾਵਾਂ ਛੇਤੀ-ਛੇਤੀ ਛਾਪਦੇ ਰਿਹਾ ਕਰੋ।

ਅਜਮੇਰ ਸਿੰਘ ਹੋਰਾਂ ਦੀ ਪੁਸਤਕ ਪਹਿਲਾਂ ਹੀ ਪੜ੍ਹੀ ਹੈ ਇਸ ਲਈ ਦੁਬਾਰਾ ਨਹੀਂ ਪੜ੍ਹ ਰਿਹਾ, ਪਰ ਤੁਹਾਡਾ ਉੱਦਮ ਵਧੀਆ ਹੈ। ਹੋ ਸਕੇ ਤਾਂ ਅਜਮੇਰ ਸਿੰਘ ਜੀ ਦੀ ਤੀਜੀ ਕਿਤਾਬ ‘1984’ ਵਾਲੀ ਜ਼ਰੂਰ ਛਾਪ ਦਿਓ।

ਸਿਮਰਨਵੀਰ ਸਿੰਘ
ਵੈਨਕੂਵਰ, ਕੈਨੇਡਾ।