ਤਰਨਤਾਰ (16 ਮਈ, 2015): ਸਿੱਖ ਨੌਜਵਾਨ ਦੀ ਸੰਸਥਾ “ਸਿੱਖ ਯੂਥ ਫਰੰਟ” ਵੱਲੋਂ ਤੀਜੇ ਘੱਲੂਘਾਰੇ ਦੀ 31ਵੀ ਵਰੇਗੰਢ ਮੌਕੇ ਸ਼੍ਰੀ ਅਕਾਲ ਤਖਤ ਸਾਹਿਬ ਤੋਂ “ਧਰਮ ਯੁੱਧ ” ਰਸਾਲਾ ਜਾਰੀ ਕਰਨ ਦਾ ਐਲਾਨ ਕੀਤਾ ਗਿਆ ਹੈ।
ਸਿੱਖ ਯੂਥ ਫਰੰਟ” ਦੇ ਬੁਲਾਰੇ ਸ੍ਰ.ਪ੍ਰਿਤਪਾਲ ਸਿੰਘ ਅਤੇ ਜਨਰਲ ਸਕੱਤਰ ਪਪਲਪ੍ਰੀਤ ਸਿੰਘ ਨੇ ਲਿਖਤੀ ਬਿਆਨ ਵਿੱਚ ਦੱਸਿਆ ਕਿ ਸਿੱਖ ਯੂਥ ਫਰੰਟ ਸੰਤ ਜਰਨੈਲ ਸਿੰਘ ਵੱਲੋਂ ਆਰੰਭੇ ਅਜ਼ਾਦ ਸਿੱਖ ਰਾਜ਼ ਦੀ ਪ੍ਰਾਪਤੀ ਲਈ ਆਰੰਭੇ ਸੰਘਰਸ਼ ਨੂੰ ਸਮਰਪਿਤ ਹੈ।
ਸ੍ਰ. ਪਪਲਪ੍ਰੀਤ ਸਿੰਘ ਨੇ ਕਿਹਾ ਕਿ ਰਸਾਲਾ ਜਾਰੀ ਕਰਨ ਦਾ ਮਕਸਦ ਸਿੱਖ ਨੌਜਵਾਨੀ ਵਿੱਚ ਰਾਜਸੀ ਜਾਗ੍ਰਤੀ ਪੈਦਾ ਕਰਨਾ ਹੈ।ਉਨ੍ਹਾਂ ਕਿਹਾ ਕਿ “ਧਰਮ ਯੁੱਧ” ਰਸਾਲਾ ਸਿੱਖਾਂ ਦੇ ਮੌਜੂਦਾ ਭਖਦਿਆਂ ਮਸਲਿਆਂ ਨੂੰ ਕਰੇਗਾ ਅਤੇ ਚੱਲ ਰਹੇ ਸਿੱਖ ਸੰਘਰਸ਼ ਬਾਰੇ ਵੀ ਜਾਣਕਾਰੀ ਮੁਹੱਈਆ ਕਰਵਾਏਗਾ।