ਚੰਡੀਗੜ ( 5 ਮਾਰਚ , 2016): ਸ਼ਮਸ਼ੀਰ ਪ੍ਰੋਡਕਸ਼ਨ ਦੇ ਬੈਨਰ ਹੇਠ ਤਿਆਰ ਹੋਈ ਸੰਤ ਭਿੰਡਰਾਂਵਾਲਿਆਂ ਨੂੰ ਸਮਰਪਿਤ ਪੰਜਾਬੀ ਫ਼ਿਲਮ 2ਬੋਲ ਜੋ ਕਨੇਡਾ ਦੇ ਸਿਨੇਮਾ ਘਰਾਂ ਵਿਚ 4 ਮਾਰਚ ਨੂੰ ਰਲੀਜ਼ ਹੋਣੀ ਸੀ ਉਹ ਨਹੀਂ ਹੋ ਸਕੀ, ਜਿਸ ਲਈ ਦਰਸ਼ਕਾਂ ਨੂੰ ਥੋੜਾ ਹੋਰ ਇੰਤਜ਼ਾਰ ਕਰਨਾ ਪਵੇਗਾ।
ਸੰਤ ਭਿੰਡਰਾਂਵਾਲਿਆਂ ਨੂੰ ਸਮਰਪਿਤ ਫਿਲਮ 2 ਬੋਲ
ਇਸ ਸਬੰਧੀ ਕਨੇਡਾ ਤੋਂ ਟੈਲੀਫੋਨ ਤੇ ਜਾਣਕਾਰੀ ਦਿੰਦਿਆਂ ਫ਼ਿਲਮ ਪ੍ਰੋਡਿਉਸਰ ਤਰਨਜੀਤ ਸਿੰਘ ਕੈਨੇਡਾ ਨੇ ਅਫਸੋਸ ਜ਼ਾਹਿਰ ਕਰਦਿਆਂ ਕਿਹਾ ਕਿ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਿਆਂ ਨੂੰ ਸਮਰਪਿਤ ਫਿਲਮ 2 ਬੋਲ ਜੋ 4 ਮਾਰਚ ਨੂੰ ਕਨੇਡਾ ਦੇ ਸਿਨੇਮਾ ਘਰਾਂ ਦਾ ਸ਼ਿੰਗਾਰ ਬਣਨੀ ਸੀ ਉਸ ਦੀ ਦਰਸ਼ਕਾਂ ਨੂੰ ਥੋੜੀ ਹੋਰ ਉਡੀਕ ਕਰਨੀ ਪਵੇਗੀ।
ਪਤੱਰਕਾਰ ਨੇ ਜਦੋਂ ਫਿਲਮ ਪ੍ਰੋਡਿਉਸਰ ਤਰਨਜੀਤ ਸਿੰਘ ਨੂੰ ਕਨੇਡਾ ਦੇ ਸਿਨੇਮਾਂ ਘਰਾਂ ਵਿਚ 4 ਮਾਰਚ ਨੂੰ ਫਿਲਮ ਨਾ ਲਗਣ ਦਾ ਕਾਰਨ ਪੁਛਿਆ ਤਾਂ ਉਨਾਂ ਕਿਹਾ ਕਿ ਕਨੇਡਾ ਵਿਚ ਫ਼ਿਲਮ ਦੀ ਪ੍ਰੋਮੋਸ਼ਨ ਤਾਂ ਪੂਰੀ ਤਰਾਂ ਕੀਤੀ ਜਾ ਰਹੀ ਸੀ ਪਰ ਸਮਾਂ ਨੇੜੇ ਆਉਣ ਤੇ ਪਤਾ ਲਗਾ ਕਿ ਕਿਸੇ ਦਬਾਓ ਕਾਰਨ ਫਿਲਮ ਭਾਰਤ ਤੋਂ ਕਨੇਡਾ ਹੀ ਨਹੀਂ ਪਹੁੰਚੀ ਜਿਸਦੇ ਕਾਰਨਾ ਦਾ ਪਤਾ ਲਗਾਇਆ ਜਾ ਰਿਹਾ ਹੈ ਤੇ ਸਿਨੇਮਾਂ ਘਰਾਂ ਦੇ ਮਾਲਕਾਂ ਨਾਲ ਵੀ ਗਲਬਾਤ ਕੀਤੀ ਜਾ ਰਹੀ ਹੈ। ਉਨਾਂ ਦਰਸ਼ਕਾਂ ਦਾ ਸਹਿਯੋਗ ਮੰਗਦਿਆਂ ਥੋੜਾ ਹੋਰ ਉਡੀਕ ਕਰਨ ਲਈ ਕੀਤੀ ਹੈ ।