ਚੰਡੀਗੜ੍ਹ: ਸੇਵਾਮੁਕਤ ਪੁਲਿਸ ਕਪਤਾਨ ਸੁਰਿੰਦਰ ਪਾਲ ਨੇ ਅੱਜ ਸਾਬਕਾ ਮੁੱਖ ਮੰਤਰੀ ਬੇਅੰਤ ਕਤਲ ਕੇਸ ਵਿਚ ਭਾਈ ਜਗਤਾਰ ਸਿੰਘ ਤਾਰਾ ਦੇ ਖਿਲਾਫ ਗਵਾਹੀ ਦਿੱਤੀ। ਸੁਰਿੰਦਰ ਪਾਲ ਨੇ ਕਿਹਾ ਕਿ ਉਸਨੇ ਆਪਣੀ ਟੀਮ ਦੇ ਨਾਲ ਭਾਈ ਜਗਤਾਰ ਸਿੰਘ ਤਾਰਾ ਨੂੰ ਗ੍ਰਿਫਤਾਰ ਕੀਤਾ ਸੀ।
ਭਾਈ ਜਗਤਾਰ ਸਿੰਘ ਤਾਰਾ ਪੁਲਿਸ ਹਿਰਾਸਤ ਵਿੱਚ (ਫਾਈਲ ਫੋਟੋ)
ਸੁਰਿੰਦਰ ਪਾਲ ਨੇ ਇਹ ਵੀ ਦੱਸਿਆ ਕਿ ਉਸਨੇ ਉਸ ਪੇਂਟਰ ਦਾ ਬਿਆਨ ਗਵਾਹ ਵਜੋਂ ਵੀ ਦਰਜ ਕੀਤਾ ਸੀ ਜਿਸਨੇ ਗੱਡੀ ਨੂੰ ਰੰਗ ਕੀਤਾ ਸੀ। ਸੁਰਿੰਦਰ ਪਾਲ ਨੇ ਕਿਹਾ ਉਸਨੇ ਗੱਡੀ ਵਿਚ ਮਿਲੇ ਉਂਗਲਾਂ ਦੇ ਨਿਸ਼ਾਨ ਵੀ ਲਏ ਸਨ। ਸੁਰਿੰਦਰ ਪਾਲ ਜੋ ਕਿ ਜਾਂਚ ਟੀਮ ਦਾ ਇਕ ਮੈਂਬਰ ਸੀ, ਨੇ ਇਸ ਸੰਬੰਧੀ ਕਾਗਜ਼ਾਤ ਵੀ ਪੇਸ਼ ਕੀਤੇ। ਉਸਦੀ ਗਵਾਹੀ ਹਾਲੇ ਮੁਕੰਮਲ ਨਹੀਂ ਹੋਈ ਅਤੇ ਕੇਸ ਦੀ ਅਗਲੀ ਤਰੀਕ 17 ਅਕਤੂਬਰ ਨੂੰ ਜਾਰੀ ਰਹੇਗੀ।