ਪੰਜਾਬ ਦੀ ਰਾਜਨੀਤੀ » ਸਿਆਸੀ ਖਬਰਾਂ

ਯੂ. ਪੀ. ਜਾ ਕੇ ਚੋਣਾਂ ਲੜਨ ਦੇ ਐਲਾਨ ਦਾ ਭਗਵੰਤ ਮਾਨ ਨੇ ਉਡਾਇਆ ਮਜ਼ਾਕ

May 4, 2016 | By ਸਿੱਖ ਸਿਆਸਤ ਬਿਊਰੋ

ਚੰਡੀਗੜ: ਸ਼੍ਰੋਮਣੀ ਅਕਾਲੀ ਦਲ (ਬਾਦਲ) ਵਲੋਂ ਯੂ.ਪੀ. ਚੋਣਾਂ ਲੜਨ ਦੇ ਐਲਾਨ ਤੋਂ ਬਾਅਦ ਸੰਗਰੂਰ ਤੋਂ ਆਮ ਆਦਮੀ ਪਾਰਟੀ ਦੇ ਸੰਸਦ ਨੇ ਇਸ ਬਿਆਨ ਦਾ ਮਜ਼ਾਕ ਉਡਾਇਆ ਅਤੇ ਕਿਹਾ ਕਿ ਪੰਜਾਬ ਵਿਚ ਆਪਣੀ ਹਾਰ ਤੋਂ ਡਰਦੇ ਬਾਦਲ ਯੂ.ਪੀ. ਵਲ ਭੱਜ ਰਹੇ ਹਨ।

ਪੰਜਾਬ ਵਿਚ ਆਪ ਦੇ ਲੀਡਰਾਂ ਨੂੰ ਬਾਹਰੀ ਕਹਿਣ ਵਾਲੇ ਬਾਦਲ ਹੁਣ ਯੂ.ਪੀ. ਵਿਚ ਆਪਣੇ ਆਪ ਨੂੰ ਕੀ ਕਹਾਉਣਗੇ।

ਅੱਜ ਇਥੇ ਜਾਰੀ ਇਕ ਪ੍ਰੈਸ ਬਿਆਨ ਵਿਚ ਆਮ ਆਦਮੀ ਪਾਰਟੀ ਨੇ ਕਿਹਾ ਕਿ ਪੰਜਾਬ ਦੇ ਲੋਕ ਇਹਨਾਂ ਨੇ 9 ਸਾਲ ਦੇ ਕੁਸ਼ਾਸਨ ਤੋਂ ਅੱਕ ਚੁਕੇ ਹਨ ਅਤੇ ਇਹਨਾਂ ਨੂੰ ਗੱਦੀ ਤੋਂ ਲਾਹੁਣ ਲਈ ਤਿਆਰ ਬੈਠੇ ਹਨ। ਭਗਵੰਤ ਮਾਨ ਨੇ ਨਾਲ ਹੀ ਟਿੱਪਣੀ ਕਰਦੇ ਕਿਹਾ ਕਿ ਬਾਦਲ ਦਲ ਦੇ ਨੇਤਾ ਹੁਣ ਲੁਕਣ ਲਈ ਸੁਰਖਿਅਤ ਪਨਾਹਗਾਹ ਲੱਭ ਰਹੇ ਹਨ ਪਰ ਅਸੀਂ ਇਹਨਾਂ ਨੂੰ ਸਲਾਖਾਂ ਪਿੱਛੇ ਭੇਜਾਂਗੇ ਚਾਹੇ ਇਹ ਜਿੱਥੇ ਮਰਜ਼ੀ ਲੁਕ ਜਾਣ।

ਜ਼ਿਕਰਯੋਗ ਹੈ ਕਿ ਬੀਤੇ ਦਿਨੀ ਸੁਖਬੀਰ ਬਾਦਲ ਨੇ ਯੂ.ਪੀ. ਵਿਚ 40 ਵਿਧਾਨ ਸਭਾ ਸੀਟਾਂ ‘ਤੇ ਚੋਣਾਂ ਲੜਨ ਦਾ ਐਲਾਨ ਕੀਤਾ ਸੀ। (ਹੋਰ ਜਾਣਕਾਰੀ ਲਈ ਦੇਖੋ: ਬਾਦਲ ਦਲ ਯੂ.ਪੀ.’ਚ ਵਿਧਾਨ ਸਭਾ ਚੋਣਾਂ ਲੜੇਗਾ)।

ਉਕਤ ਲਿਖਤ/ ਖਬਰ ਬਾਰੇ ਆਪਣੇ ਵਿਚਾਰ ਸਾਂਝੇ ਕਰੋ:

Tweet

---

ਵਟਸਐਪ ਰਾਹੀਂ ਤਾਜਾ ਖਬਰਾਂ ਹਾਸਲ ਕਰਨ ਦਾ ਤਰੀਕਾ:
(1) ਸਿੱਖ ਸਿਆਸਤ ਦਾ ਵਟਸਐਪ ਅੰਕ 0091-85560-67689 ਆਪਣੀ ਜੇਬੀ (ਫੋਨ) ਵਿੱਚ ਭਰ ਲਓ; ਅਤੇ
(2) ਸਾਨੂੰ ਆਪਣਾ ਨਾਂ ਵਟਸਐਪ ਰਾਹੀਂ ਭੇਜ ਦਿਓ।

---

Related Topics: Aam Aadmi Party, Bhagwant Maan, sukhbir singh badal, UP Elections 2017