ਅੱਜ ਦੀ ਖਬਰਸਾਰ | 3 ਫਰਵਰੀ 2020 (ਦਿਨ ਸੋਮਵਾਰ)
ਖਬਰਾਂ ਭਾਰਤੀ ਉਪਮਹਾਂਦੀਪ ਦੀਆਂ:
ਸ਼ਾਹੀਨ ਬਾਗ ਰੋਹ ਵਿਖਾਵੇ ਕੋਲ ਸ਼ਨਿੱਚਰਵਾਰ ਚੱਲੀ ਗੋਲੀ:
- ਹੁਣ ਸ਼ਾਹੀਨ ਬਾਗ ਰੋਹ ਵਿਖਾਵੇ ਕੋਲ (ਸ਼ਨਿੱਚਰਵਾਰ ) ਚਲਾਈ ਗਈ ਗੋਲੀ।
- ਦੋ ਦਿਨ ਪਹਿਲਾਂ ਇਕ ਬਿਪਰਵਾਦੀ ਕਾਰਕੁੰਨ ਵਲੋਂ ਜਾਮੀਆ ਮਿਲੀਆ ਇਸਲਾਮੀਆ ਯੂਨੀਵਰਸਿਟੀ ਦੇ ਬਾਹਰ ਗੋਲੀਆਂ ਚਲਾਈਆਂ ਗਈਆਂ ਸਨ।
- ਸ਼ਾਹੀਨ ਬਾਗ ਕੋਲ ਗੋਲੀ ਚਲਾਉਣ ਵਾਲੇ ਹਮਲਾਵਰ ਦਾ ਨਾਂ ਕਪਿਲ ਗੁੱਜਰ ਦੱਸਿਆ ਜਾ ਰਿਹਾ ਹੈ।
- ਗੋਲੀ ਚਲਾਉਣ ਤੋਂ ਬਾਅਦ ਹਮਲਾਵਰ ਨੇ “ਹਿੰਦੂ ਰਾਸ਼ਟਰ ਜ਼ਿੰਦਾਬਾਦ” ਦੇ ਨਾਅਰੇ ਲਾਏ।
- ਹਾਲਾਂਕਿ ਇਸ ਘਟਨਾ ਵਿਚ ਕੋਈ ਵਿਅਕਤੀ ਜ਼ਖਮੀ ਨਹੀਂ ਹੋਇਆ।
- ਕਪਿਲ ਗੁੱਜਰ ਨੇ ਰੋਹ ਵਿਖਾਵੇ ਵਾਲੀ ਸਟੇਜ ਦੇ ਪਿੱਛੇ ਤਕਰੀਬਨ ਢਾਈ ਸੌ ਮੀਟਰ ਧੂਰੀ ਤੋਂ ਪੁਲਿਸ ਬੈਰੀਕੇਡ ਤੋਂ ਚਲਾਈਆਂ 2 ਗੋਲੀਆਂ।
- ਸ਼ਾਮ ਪੰਜ ਵਜੇ ਦੇ ਕਰੀਬ ਇਹ ਘਟਨਾ ਵਾਪਰੀ।
- ਹਾਲਾਂਕਿ ਪੁਲਿਸ ਨੇ ਹਮਲਾਵਰ ਵਿਅਕਤੀ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।
ਹਮਲਾਵਰ ਕਪਿਲ ਗੁੱਜਰ ਨੂੰ ਲਿਜਾਦਾ ਹੋਇਆ ਪੁਲਿਸ ਅਧਿਕਾਰੀ
ਰੋਹ ਵਿਖਾਵੇ ਦੇ ਵਿਰੁੱਧ ਨਾਅਰੇਬਾਜ਼ੀ:
- ਸ਼ਾਹੀਨ ਬਾਗ ਵਿਖੇ ਚੱਲ ਰਹੇ ਰੋਹ ਵਿਖਾਵੇ ਦੇ ਵਿਰੁੱਧ ਨਾਅਰੇਬਾਜ਼ੀ ਕੀਤੀ
- ਇਹ ਨਾਅਰੇਬਾਜ਼ੀ ਹਿੰਦੂਤਵੀ ਜਥੇਬੰਦੀਆਂ ਨੇ ਕੀਤੀ
- ਵਿਖਾਵਾਕਾਰੀ ਭਾਰਤ ਮਾਤਾ ਦੀ ਜੈ, ਜੈ ਸ਼੍ਰੀ ਰਾਮ, ਵੰਦੇ ਮਾਤਰਮ ਦੇ ਨਾਅਰੇ ਲਗਾ ਰਹੇ ਸਨ
- ਖ਼ਬਰ ਖਾਨਿਆਂ ਮੁਤਾਬਕ ਵਿਖਾਵਾਕਾਰੀਆਂ ਵਿੱਚ ਬਜਰੰਗ ਦਲ, ਗਊ ਰੱਖਿਆ ਸਮਿਤੀ ਅਤੇ ਬਜਰੰਗ ਅਖਾੜਾ ਕਮੇਟੀ ਦੇ ਲੋਕ ਹੋ ਸਕਦੇ ਹਨ
- ਨਾਅਰੇਬਾਜ਼ੀ ਦੌਰਾਨ ਉਨ੍ਹਾਂ ਨੇ ਨੋਇਡਾ-ਮਹਿਰੌਲੀ ਸੜਕ ਖੋਲ੍ਹਣ ਦੀ ਮੰਗ ਕੀਤੀ
- ਕਿਹਾ ਇੱਥੋਂ ਧਰਨਾ ਚੁੱਕ ਕੇ ਜੰਤਰ ਮੰਤਰ ਜਾਂ ਰਾਮਲੀਲਾ ਮੈਦਾਨ ਵਿੱਚ ਤਬਦੀਲ ਕੀਤਾ ਜਾਵੇ
- ਸ਼ਾਹੀਨ ਬਾਗ ਵਿਖੇ ਇਹ ਧਰਨਾ ਪਿਛਲੇ 50 ਦਿਨਾਂ ਤੋਂ ਲਗਾਤਾਰ ਚੱਲ ਰਿਹਾ ਹੈ
ਰਵੀ ਸ਼ੰਕਰ ਪ੍ਰਸਾਦ ਦਾ ਬਿਆਨ:
- ਅਸੀਂ ਸ਼ਾਹੀਨ ਬਾਗ ਦੇ ਵਿਖਾਵਾਕਾਰੀਆਂ ਨਾਲ ਗੱਲਬਾਤ ਕਰਨ ਲਈ ਤਿਆਰ ਹਾਂ
- ਕਿਹਾ ਭਾਰਤੀ ਕਾਨੂੰਨ ਮੰਤਰੀ ਰਵੀ ਸ਼ੰਕਰ ਪ੍ਰਸਾਦ ਨੇ
- ਕਿਹਾ ਅਸੀਂ ਵਿਖਾਵਾਕਾਰੀਆਂ ਨਾਲ ਨਾਗਰਿਕਤਾ ਸੋਧ ਕਾਨੂੰਨ ਦੇ ਮੁੱਦੇ ਉੱਪਰ ਗੱਲਬਾਤ ਕਰਨ ਲਈ ਤਿਆਰ ਹਾਂ
- ਕਿਹਾ ਪਰ ਇਹ ਗੱਲਬਾਤ ਨਿਯਮਾਂ ਦੇ ਦਾਇਰੇ ਵਿੱਚ ਹੋਣੀ ਚਾਹੀਦੀ ਹੈ
- ਇਹ ਪਹਿਲੀ ਵਾਰ ਹੈ ਕਿ ਜਦੋਂ ਨਾਗਰਿਕਤਾ ਸੋਧ ਕਾਨੂੰਨ ਦੇ ਮੁੱਦੇ ਉੱਪਰ ਕਿਸੇ ਕੇਂਦਰੀ ਮੰਤਰੀ ਵੱਲੋਂ ਮੁਜ਼ਾਹਰਾਕਾਰੀਆਂ ਨਾਲ ਗੱਲਬਾਤ ਕਰਨ ਦੀ ਗੱਲ ਕਹੀ ਗਈ ਹੈ
ਰਵੀ ਸ਼ੰਕਰ ਪ੍ਰਸਾਦ
ਰੋਹ ਵਿਖਾਵਿਆਂ ਉਪਰ ਲੱਗੀ ਰੋਕ:
- ਜਾਮੀਆ ਮਿਲੀਆ ਇਸਲਾਮੀਆ ਯੂਨੀਵਰਸਿਟੀ ਦੇ ਅੰਦਰ ਰੋਹ ਵਿਖਾਵਿਆਂ ਉਪਰ ਲੱਗੀ ਰੋਕ
- ਯੂਨੀਵਰਸਿਟੀ ਦੇ ਰਜਿਸਟਰਾਰ ਨੇ ਹੁਕਮ ਜਾਰੀ ਕਰਕੇ ਲਾਈ ਰੋਕ
- ਕਿਹਾ ਇਨ੍ਹਾਂ ਰੋਹ ਵਿਖਾਵਿਆਂ ਨਾਲ ਯੂਨੀਵਰਸਿਟੀ ਦੀ ਸ਼ਾਂਤੀ ਭੰਗ ਹੁੰਦੀ ਹੈ
- ਕਿਹਾ ਯੂਨੀਵਰਸਿਟੀ ਅੰਦਰ ਕਿਸੇ ਵੀ ਤਰ੍ਹਾਂ ਦਾ ਧਰਨਾ, ਰੋਹ ਵਿਖਾਵਾ, ਭਾਸ਼ਣ, ਸਭਾ ਕਰਨੀ ਗ਼ੈਰਕਾਨੂੰਨੀ ਐਲਾਨੀ ਜਾਵੇਗੀ
ਜਾਮੀਆ ਮਿਲੀਆ ਇਸਲਾਮੀਆ ਯੂਨੀਵਰਸਿਟੀ
ਕਸ਼ਮੀਰ ਵਾਦੀ ਦੇ ਚਾਰ ਆਗੂ ਰਿਹਾਅ:
- ਕਸ਼ਮੀਰ ਵਾਦੀ ਦੇ ਚਾਰ ਹੋਰ ਆਗੂ ਹਿਰਾਸਤ ਵਿੱਚੋਂ ਰਿਹਾਅ
- ਨੈਸ਼ਨਲ ਕਾਨਫਰੰਸ ਪਾਰਟੀ ਨਾਲ ਸਬੰਧਤ ਹਨ ਇਹ ਆਗੂ
- ਇਹਨਾਂ ਵਿੱਚ ਅਬਦੁਲ ਮਜੀਦ ਲਾਰਮੀ, ਗੁਲਾਮ ਨਬੀ ਭੱਟ, ਡਾਕਟਰ ਮੁਹੰਮਦ ਸ਼ਫੀ ਅਤੇ ਮੁਹੰਮਦ ਯੂਸਫ਼ ਭੱਟ ਸ਼ਾਮਲ ਹਨ
- ਪਰ ਹਾਲੇ ਤੱਕ ਤਿੰਨੇ ਰਹਿ ਚੁੱਕੇ ਮੁੱਖ ਮੰਤਰੀ ਨੂੰ ਰਿਹਾ ਨਹੀਂ ਕੀਤਾ ਗਿਆ